"УРБАН ИНСТИТУТ"

The Gang of Roses се американско трио составено од Durty Red, Laylow и Shade. Доаѓаат од Атланта, град кој моментално се смета за центар на хип хоп индустријата во Америка. Носители се на женскиот глас во хип хопот, доста побожни, доста комуникатвни, секси и интересни. Се во едно. Имаат доста моќен менаџер кој ги води работите и за легендарни имиња од типот на Big Daddy Kane. Во компилацијата која ја направивме (Worldwide: A Book of Rhymes) се застапени со песната Hater Slayer. Токму преку менаџерот, т.е. менаџерката Myxtique го договоривме ова интервју со нив. Во него ви ги презентираме нивните размислувања и ставови кон животот.

hiphopmacedonia.com: Како се запознавте и како започнавте да работите заедно?

DURTY RED: Јас всушност бев кореограф и танчар за една група која првенствено се викаше DSL (Dirty South Ladies). За несреќа тие требаше да заменат една од членовите на групата и почувствувавме дека јас имам одлична хемија со групата... па кога Laylow и Shades разбраа дека јас бев пејачка и рап артист се си дојде на место! Се придружив на групата и ја изградивме Gang of Roses.

hiphopmacedonia.com: Кажувате дека зборувате во името на сите девојки зашто во вашите песни го има она што девојките сакаат да го кажат. На кои теми се однесуваат вашите песни, и што се обидувате да постигнете со тоа?

LAYLOW: Кога би требало да ги сумирам темите во нашите песни, би кажала дека тие се однесуваат на вистински животни ситуации. Ги кажуваме работите што секоја жена сака да ги каже, зашто не е тајна тоа дека денес се е со „двоен стандард“. Многу жени размислуваат за се но не го кажуваат своето мислење, зашто не знаат како тоа ќе биде прифатено.

hiphopmacedonia.com: Верувате ли дека живееме во машки свет?

DURTY RED: Мислам дека ова е свет на Господ и Тој не поставува на местото според неговите свети планови. Сега да го поврзам тоа со музичката индустрија... да не го цитирам Џејмс Браун хаха... но да, мислам дека ова е машки свет но не би било ништо без жената, и The Gang of Roses се тука да го докажат тоа!

hiphopmacedonia.com: Вие не сте класична рап група; вие правите „алтернативен рап“. Можете ли да го објасните тоа?

SHADES: Тоа што не прави алтернативна рап група е визијата позади нашите песни. Сакаме нашите песни да раскажат приказна, и многу сме пребирливи кога станува збор за нашите траки. Иако немаме ништо против crunk/gangsta рапот, ние не сме тоа. Тука ќе најдете многу жичани инструменти, класични поп песни, рок песни, песни кои се потпираат на ритамот и басот итн., и затоа не можеме да се класифицираме како ништо друго освен како АЛТЕРНАТИВА.

hiphopmacedonia.com: Кажете ни нешто за вашиот албум „Bright Lights“. Со кого соработувате, кои се вашите продуценти и вашиот лејбл?

LAYLOW: Bright Lights е нешто како визуелен пат низ времето, зашто ние дефинитивно сликаме слика за тоа низ што сме поминале низ времето. Не соработувавме со никого за овој албум, зашто со него сакавме само да ги презентираме THE GANG OF ROSES! Што се однесува до продуцентите, работевме со новиот супер-продуцент St. James од National Artist League, кој исто така го продуцираше сеуште неиздадениот албум од The Vistoso Bosses од Interscope. Исто така соработувавме и со Terrence “Big Luv” Lynn… R.I.P., така да – албумот е доуп.

hiphopmacedonia.com: Имате големо влијание на кранкот врз вашата музика. Атланта е центарот на овој стил. Тешко ли е да се успее во оваа игра? Дали се откажавте од одредени ствари од вашиот приватен живот?

LAYLOW: Па... дефинитивно ќе го почувствувате влијанието на кранкот врз нашите песни, мислам, зашто ATL... тоа е местото каде што кранкот е нешто како ДНК! Секој човек од југот го има тоа во себе, но дали само тоа те дефинира? Мислам, тоа е вистинското прашање и... може ли да се излезе од оваа кутија? Сега, не би рекла дека е тешко да се успее во оваа игра, но... ќе го кажам само ова... каков и талент да ти дал Бог, Тој сака да бидеш добар во тоа и се разбира дека ќе треба многу напорна работа, но секогаш се исплаќа кога ќе Му дозволиш да ги води твоите чекори.
DURTY RED: Мислам дека е потребна тешка РАБОТА, посебно кога нема да ја исполниш својата „норма“. Неколку пати ни го поставуваат прашањето „Зашто сите не направите кранк песна?... За брзо време ќе успеете со тоа!“ Но The Gang of Roses имаат инвестирано многу време и тешка работа во својот развој како артисти и мислам дека не би можеле да се продадеме и да се смениме само за да се вклопиме во околината. Можеме да го препознаеме нашиот позив со кој Бог ќе не употреби на моќен начин. Да го запоставиме тоа и да правиме нешто што не личи на нас ќе биде како да му кажеме на Бог „Не беше доволно брз“.
SHADES: Немаше потреба да се откажеме од многу работи од нашиот приватен живот, направивме неколку мали жртви али и не можеме да се откажеме од некои работи кои не сме ги ни имале нели?:) Сите сме сингл, немаме деца, па така сме благословени со слобода која ја искористуваме за овој проект. Една од главните работи од кои моравме да се откажеме и онаа со која се соочуваат сите артисти, е времето... моравме да искористиме што е можно повеќе време за да се фокусираме на музиката така да ги жртвувавме нашите потенцијални долги врски. Како и да е, сите сакаме фамилии со деца и кучиња, барем јас сакам кучиња;) па не се затвараме ни за таа варијанта.

hiphopmacedonia.com: Кои се The Gang of Roses приватно?

(сите се смеат)
SHADES: Ете тоа сме – ЗАНИМЛИВИ, СМЕШНИ, КОМЕДИЈАНТИ! Никој не е сигурен од нашите смешки и закачки. Сакаме да се смееме и да ги натераме да се смеат сите околу нас.

hiphopmacedonia.com: Laylow, ти кажа дека си настапувала со MC Lyte на „Yo MTV Raps“ и дека тоа ти го променило животот. Така е или се лажам?

LAYLOW: Неп, кажав дека откако ја видов MC Lyte на Yo MTV Raps мојот живот се смени. Тогаш бев мало дентенде, но кога ја видов MC Lyte што прави, знаев дека... тоа е она што ќе го ПРАВАМ еден ден. Таа имаше толкав стил и самодоверба на микрофонот што си реков „Еј, оваа ги растури момците“. Така што целиот мој живот сум фан на MC Lyte, и преку нејзиното проучување научив многу за тоа што значи да се биде артист. До ден денешен им кажувам на сите дека MC Lyte е најболната жена што некогаш го фатила микрофонот... ТОЧКА!:)

hiphopmacedonia.com: Во Македонија постојат големи разлики помеѓу андерграундот и комерцијалниот рап. Тоа не е случај со САД. Што мислите за овие разлики?

DURTY RED: Мислам дека разликата е тоа што андерграунд рапот е послободен, додека во комерцијалниот треба да мислиме на тоа што публиката сака да слушне?! Можеби разликата помеѓу САД и Македонија е тоа што кај нас многу комерцијални рап артисти даваат поуки и прават и андерграунд рап. Според мене рап артистите кои се во двата стила ги користат придобивките од истите. Комерцијалните рапери мораат да знаат каква трака ќе упали за да потрошувачот ја пее или рецитира, во смисла на - мора да напишам текст кој ќе го сфатат сите, мора да направам забегана трака на која сите ќе играат... но кога си андерграунд имаш слобода да кажеш се што сакаш, певливо или непевливо, најверојатно на само една бас линија, за сите вистински луѓе во публиката кои ќе запалат џоинт, ќе се потпрат некаде и ќе узиваат. Овде има многу повеќе слобода во изразувањето.

hiphopmacedonia.com: Вашите планови за иднината се...?

SHADES: Да ги искористам придобивките од времето кое го вложивме и да бидам ИСПЛАТЕНА!
LAYLOW: Да го направам The Gang of Roses цврсто име и да продолжам да учам за овој бизнис колку што можам, за кога ќе ја изградам мојата империја да не можат ја турнат ситни работи.
DURTY RED: Тоа што го кажаа:)... и да продолжам да го ставам Бог на прво место, да ги задоволувам Неговите барања и да го правам тоа што НАЈДОБРО го знам!!

hiphopmacedonia.com: Која е вашата порака за нашата публика?

LAYLOW: Музиката е универзален јазик, затоа не е важно од каде сте... Ако е вистинска, тогаш ќе се поврзете со неа, а кога ќе се поврзете... тогаш не можете да се одречете од неа! Врз основа на ова... ЗАПОМНЕТЕ ГО ОВА ИМЕ, ЗАШТО ЗА БРЗО ВРЕМЕ ЌЕ ГО ИЗВИКУВАТЕ!! Фала за љубовта Македонија!!! МИР!!!